En que
andades metidos Esquíos nestes intres?
Estamos ensaiando para a gravación do
noso vindeiro disco ,“Porcocan”, que faremos en principio os días
8 e 9 de marzo nos Abrigueiro Estudios de Arturo Vaquero, e como
gravamos en directo todos xuntos, pois hai que levalo ben ensaiadiño.
Que poderemos atopar neste novo
traballo?
Pois malia correr o risco de que nos
chamen temerarios, o que poderedes atopar é música. Seguramente
doce temas máis algo que non sabemos como chamar, pero que pode
pasar por canción e que pechaba os nosos ultimos concertos. Neste
disco haberá algunha sorpresiña coma un tema lento(“As vacas”),
algún máis longo e revirado do que facíamos ultimamente(“Caendo”),
temas a máxima velocidade coma “Porcocan” ou cousas un pouco
diferentes coma “Sen palabras”.Pero bueno, cremos sinceramente
que pode ser a nosa mellor colección de cancións ata o de agora.
E líricamente por onde van os tiros
desta volta?
Os tiros van por onde sempre
apéndice nasal arriba haha
(Warning!!!).
Non, en serio, non podemos esquecer o que está pasando, e de
feito o título ven a conto por que somos coma porcos mantidos por
este sistema e aínda así moita xente defendeo coma cans defendendo
a súa casa, somos porcocans!!
Logo hai outros temas máis coñeiros
pero sempre cun trasfondo crítico e ácedo, gustannos
moito os cítricos!!
Seica estades inmersos nunca campaña
de crowdfunding para editar o disco?
Si, para editar o disco nun pack que
conteña vinilo e cd ao mesmo prezo, e tamén para facer unha
camisola coa portada do disco. Todo isto ven motivado pola caída de
ingresos por concertos, a estafa a que estamos sendo sometidos nós e
outros grupos galegos pola distribuidora que nos deixou de pagar as
ventas e o feito de que algúns de nós estemos sen traballo. Dende
aquí animamos a tod@s a
colaborar, creo que vai merecer a pena. En www.esquios.com
tendes o ligazón á páxina onde podedes colaborar ou no noso
facebook.
NESTE ENLACE PODEDES VER O VIDEO PROMOCIONAL http://vimeo.com/56345745#
E despois do disco que? Haberá xira?
Pois haberá supoñemos, pero está no
aire por que a productora que nos levaba Saraiba, é outra vítima da
crise e tamén está pechando. Entón temos que volver a movernos
nós, e a verdade non non fai moita graza esa parte, e somos bastante
deixados, así que aproveitamos a oportunidade que nos dades e se
queredes a Esquíos ao vivo enviade un correo a esquios@esquios.com
ou chamade a 663109884, se xa queredes levarnos en plan management xa
caralludo!!
Algo máis que engadir?
Temos a posibilidade moi certa, de
aumentar de número de catro a cinco coa incorporación dun novo
guitarra que ademais é un colega e moi bo rapaz, en breve
desvelaremos a identidade deste novo tolo!! Saúdos e grazas pola
entrevista!!!
