¿Que
son “Os cantareiros do mar”?
“Os
cantareiros do mar” somos un trío musical formado en Barcelona.
Somos dous galegos “emigrados” Anxo (guitarra e barítono) e
Gabriel (tenor) e un catalán “galeguizado”, Aleix (acordión e
voz de baixo).
¿Cal
é a vosa proposta?
Todos
sabemos que ó estar fóra da terra a morriña sempre é algo que
levas dentro. Nos queriamos escoitar música en galego, e que mellor
que nós mesmos para facelo, e para mostrala fóra das nosas
fronteiras, con orgullo e con adicación. Anxo é de Marín, Gabriel
de Vigo, o mar sempre nos marcou, e por iso escollimos ese nome.
Interpretamos temas de música popular, e cancións mariñeiras,
respetando a tradición, pero sempre cun punto de modernidade, e coa
calidade interpretativa que merecen estas pezas.
¿Algún
exemplo dos temas que interpretades?
Gústanos
variar, facer temas con máis ritmo como “A folíada de Santiago”,
ou “Catro vellos mariñeiros”, “A Santiago vou”… e temas
máis lentos e melódicos como “Unha noite na eira do trigo…”,
“Ahí ven o maio…”; tamén facemos adaptacións dos clásicos
da música galega como “Negra sombra” ou “Lela”…
Todo
con voces masculinas.
Sí,
queremos que a voz masculina teña máis importancia na tradición da
música galega. Temos un gran exemplo en “A Roda”, (do recente e
tristemente finado FITO). Son un referente para nós. Queremos que as
voces dos mariñeiros cantando e pasando unha boa noite nas tabernas,
volvan a escoitarse nesas melodías nostras.
¿Actuaredes
só por Barcelona, ou tedes pensado abrir fronteiras?
Un
dos nosos obxetivos principais é dar a coñecer a música galega en
Cataluña, e tamén no resto de España, e se pode ser en calqueira
lugar do mundo. Pero tamén recoñecemos que sería para nós unha
grandísima ilusión poder ser profetas na nosa terra. Hai proxectos
de tocar en Galicia, pero xa se sabe que ata que non estean seguros…
mellor calar.
En
Cataluña hai unha gran tradición das cancións mariñeiras e
habaneras, ¿pode a vosa formación encaixar nese xénero?
Non
podemos dicir nin que si nin que non. Tentamos ofrecer algo novidoso,
o primeiro no idioma. Nós usamos o galego, e polo tanto o noso
repertorio xa é de entrada diferente. Pero por outra banda a nosa
formación (acordión, guitarra e voces) sí que é unha formación
típica de grupo de habaneras. De todas formas preferimos que nos
coñezan simplemente como “Os
cantareiros do mar”,
e cando nos escoiten que cada un decida. Sí que é certo que esa
tradición de música mariñeira en Cataluña está moi instaurada, e
ten prestixio, algo que nos gustaría moito que puidésemos asentar
en Galiza.
Faládenos
un pouco de vós.
Pois
Anxo é guitarrista nun par de grupos de boa tirada en Barcelona, e
tivo ocasión de xirar con eles por escenarios míticos de Cataluña.
Aleix é acordeonista en grupos de habaneras en Cataluña, tamén é
profesor de música, e participa en diferentes actos das casas
galegas. Gabriel é tenor lírico e ten actuado en zarzuelas e
musicais en Barcelona. Pero ós tres nos une a paixón pola música
galega, por iso fundamos o grupo.
¿Onde
podemos saber máis de vós?
Temos
una web en construcción :
www.cantareirosdomar.wix.com/cantareirosdomar
onde
podedes saber máis de nós, e escoitar algunh cousiña. E despois
nas redes sociales, se nos buscades ahí estaremos.
Grazas
e moita sorte co proxecto.
Grazas
a vós… e ¡A CANTAR¡
