AZUL DE BUEU



Azul de Bueu é un proxecto musical interpretado por seis músicos de recoñecido renome da escena galega da música tradicional e o jazz onde os temas tradicionais son tratados dun xeito moi semellante ao que os músicos de jazz trataron as melodías e cancións populares americanas que acabaron por se converter en “standards”.

Azul de Bueu son:

Sonsoles Penadique (voz, acordeón diatónico)
Xosé Miguélez (saxo)
Wilfried Wilde (guitarra)
Alexandre Touceda (contrabaixo)
Iago Fernández (batería)
Virxilio da Silva (dirección artística, guitarra)



A partir das melodías da tradición vogal galega, Azul de Bueu quere amosar a súa proposta interpretándoas con cores harmónicas e tímbricas xenuinamente jazzísticas. Podemos falar dun auténtico jazz galego. Os puntais do proxecto son os ritmos, as melodías, as escalas, as harmonías, a improvisación e a flexibilidade formal. En todos estes aspectos Azul de Bueu atopou fortes e fermosos nexos de unión entre a tradición oral galega, o jazz e outras músicas modernas. Azul de Bueu é un proxecto de fusión onde se afonda no repertorio máis antigo e tradicional galego para introducilo no universo do jazz e a música moderna, sempre dende o respecto á tradición e o afán innovador.

Temas.:

O Cotiño da Cruxeira
Vente vindo
Mozos hainos na montaña
Véndeme o boi
Eu xunguín
Teño unha morena
Miña nai non quere
Unha nena nunha fonte
Arrourrou

Tódo-los temas son arranxos orixinais de Wilfried Wilde de melodias tradicionais galegas. Agás Vente Vindo de Cristian Leggiero e Mozos Hainos na Montaña de German Diaz

Gravado polos irmáns Quintá no estudio As Gonzaliñas (Lalin).

Mesturado e masterizado por José Trincado (Triqui).

As súas músicas estan editadas baixo licenza Creative Commons 2017.


Podedes escoitar as súas musicas no seu soundcloud en:

https://soundcloud.com/user-348545260



CONTACTO:

azuldebueu@gmail.com