MIGALLAS

Canta connosco! (2016)
Libro-CD-DVD con karaokes. EDICIÓN ESPECIAL 20º ANIVERSARIO

O sector da música infantil en galego experimentou un gran crecemento nos últimos tempos, con moitos e variados proxectos para os máis pequenos, pero en 1996 era case inexistente…

No 20º aniversario da gravación de “Canta connosco!”, a edición conmemorativa en formato libro-cd-dvd recupera as cancións que fixeron cantar e bailar a moitas xeracións de rapaces. Unha ocasión para que a infancia de hoce sigan cantando e bailando con Migallas.

A aparición deste traballo musical en 1996 foi todo un fito na música do país. Por primeira vez, un grupo galego con ampla experiencia de actuacións en directo para público infantil e xuvenil, facía un disco na nosa lingua coa calidade dun traballo musical para adultos. Tanto na forma coma no contido, cada tema foi elaborado coa maior calidade técnica, apostando pola variedade de ritmos. Colaboraron daquela destacados músicos como Paco Dicenta, Budiño ou Suso Vaamonde.

Inclúe cancións infantís de carácter máis tradicional, xunto co rap, o rock, a cumbia, o reagge e o pasodobre, ata unha melodía de inspiración africana ou un canto de berce, pasando polo tema instrumental folk que pecha o disco. Pensado para o público infantil, tamén pode gustar a toda a familia pola diversidade de contidos: os xogos tradicionais e colectivos fronte á televisión e as novas tecnoloxías; a animación á lectura; a importancia do uso do galego; a ecoloxía; a cultura tradicional…

As ilustracións de Óscar Villán -de vivas cores, grande expresividade e dinamismo- acentúan o ton lúdico da obra, que se complementa con divertidos vídeos musicais de José Miguel Sagüillo, que inclúen animacións e karaokes para fomentar a interactividade.

Textos de MARÍA CAMPOS e CARLOS YUS (MIGALLAS)

Música de MIGALLAS, arranxos de PACO DICENTA

Interpretación musical e voces de PACO DICENTA, XOSÉ MANUEL BUDIÑO, FRANCISCO BOUZA, GUILLERMO FERNÁNDEZ, SUSO ELÍAS QUIROGA, LUCÍA COTA, EVA Mª TROITIÑO, SUSO VAAMONDE

Dirección e realización dos videoclips JOSÉ MIGUEL SAGÜILLO

Temas :

O esqueleto
O libro máxico
O rap da lingua
Dime que fixeches
Mama gatiña
Perico Perez
Os xogos
O rock da ducha
Os virus xacobeos
Ai, patín!
O eucalipto e o carballo
Cando chega a mañá

"Dime que fixeches"

https://www.youtube.com/watch?v=4jtbAyVC7A0

 https://www.youtube.com/watch?v=4jtbAyVC7A0


"Perico Pérez"

https://www.youtube.com/watch?v=hnx7VDwgbn8

https://www.youtube.com/watch?v=hnx7VDwgbn8

Discografía previa

ZARAGALLADA (2015)

Este é o terceiro disco de Migallas Teatro. Os dous anteriores, “Canta connosco!” e “Pan de millo” estaban dedicados ao público infantil mais, nesta ocasión, dirixímonos principalmente á mocidade e ás persoas adultas. Como o seu nome indica, “Zaragallada” (recheo da empanada) consta de 13 temas con ritmos e contidos moi variados. Podemos escoitar cancións pop, rock, ska, un pasodobre, un tango, unha rumba, un valse, unha nana, unha pandeirada, etc.
Parte das cancións naceron no espectáculo de humor “O cantante e as mulleres”, de Migallas Teatro. Moitas das letras tratan cuestións de tipo social aderezadas con humor e retranca e outras son de carácter lírico.
A produción artística e os arranxos corren a cargo de Segundo Grandío, que tamén toca o baixo e as guitarras. Davide González Lorenzo toca o acordeón, o saxofón, a frauta, a melódica e fai os coros. Canda eles, intérpretes do prestixio de Leandro Deltell (batería), Paulo Nogueira e Magoia Bodega (percusión tradicional), Maurizzio Polsinelli (piano) e Carmen Gallego (violín) participan en diversos temas.

  • Cancións: CARLOS YUS e MARÍA CAMPOS (MIGALLAS)
  • Arranxos e produción artística: SEGUNDO GRANDÍO
  • Deseño gráfico e imaxes: SR. SAGÜILLO
  • Gravación: ESTUDIO CASA DE TOLOS
  • Editado e distribuído por: INQUEDANZAS SONORAS
  • IDS-1122 – DL. VG 726-2015
  • Xénero: canción de autor, pop, rock, folk
  •  
  • Pezas: Arela – O que hai que facer – Nana para unha vella – Eu quero ser “una” presentadora – María – Pasodobre “enjebre” – O carballiño – Pandeirada da lingua – Pesadelos e soños – Pero ti que pensas! – Romance da Cidade da Cultura – Tango malo – Non sabemos.

MIGALLAS – O que hai que facer

https://www.youtube.com/watch?v=Jq5IK92rSGA

 https://www.youtube.com/watch?v=Jq5IK92rSGA


Pan de Millo (2013)

14 cancións para que os nenos aprendan galego divertíndose

"Pan de millo" é  un libro-disco publicado por Kalandraka, con ilustracións de Dani Padrón. 

A partir das cancións, Dani Padrón creou unhas ilustracións que destacan pola frescura, o colorido e a ledicia que transmiten os personaxes. Os arranxos e adaptacións das cancións están realizados por Magoia Bodega e Paulo Nogueira, músicos e educadores, membros do grupo Treixadura -I Premio Galego da Música na categoría de música tradicional- e moi vencellados a proxectos de divulgación da música galega tradicional. Canda eles, intérpretes do prestixio de Pancho Álvarez, César Longa, Begoña Riobó ou Segundo Grandío, entre outros artistas.

É o segundo proxecto musical de Migallas despois de “Canta connosco!”, considerado un “revulsivo” no eido da música galega infantil. Co proceso de elaboración do pan de millo como fío condutor, este traballo está pensado para seguir practicando o xogo e a diversión, recuperar a memoria dos avós e avoas, e contribuír á transmisión da lingua. No repertorio conviven ritmos autóctonos -como muiñeiras, pandeiradas e pasodobres- con melodías de inspiración latinoamericana. Os temas de creación tratan cuestión actuais como a colaboración fronte á competición, a promoción da paz ou o exceso de actividades extraescolares. Tamén se inclúen propostas de expresión plástica e dramática.

Vídeo de adianto no interior.

O proxecto reúne 14 cancións infantís para público familiar interpretadas por Migallas Teatro, con colaboracións de destacados músicos galegos. Entre eles  Magoia Bodega e Paulo Nogueira, do grupo Treixadura
"Este libro-disco está pensado para seguir practicando o xogo e a diversión, recuperar a memoria dos avós e avoas, e contribuír á transmisión da lingua", explican dende a editorial. 
Segundo Grandío, enxeñeiro de son, foi o responsable da gravación no estudio Casa de Tolos, das mesturas e da masterización da música do disco, no que tamén participa tocando o contrabaixo e a guitarra acústica. A segunda edición dos  libro está á venda nas librarías.

CANCIÓNS DISPOÑIBLES 
-Miña “Abuela Manuela”: http://www.migallas.com/Minha_Abuela_Manuela

-Videoclip de “Miña Abuela Manuela”: http://youtu.be/ZMz7FHjSlqw
-Videoclip de “Pan de millo”: http://www.youtube.com/watch?v=SqBqSYNMqHQ

¡Canta Conosco! (1996)






















Contacto: Migallas (tlf. 630 872 668):